ئهڤرۆ ڕۆژا چوارشهمبی ٢٢ێ تیرمهها ٢٠٢٦ێ ب ئامادهبۆنا بهڕێز”ماجد سهید سالح”جێگرێ پارێزگارێ دهۆكێ و” ئاری عادل” سهرۆكا زانكۆیه پۆلیتهكنیك”ب چاڤدێرییا وهزارهتا خواندنا بلند و ڤهكۆلینێن زانستی,كۆنفرانسێ نێڤدهولهتی یێ چوارێ بۆ گهشهپێدانا سیستهمێ بهردهوامییێ ICSSD2026 ژلایێ زانكۆیا ناڤبری و سهنتهرێ مالیزی یێ ” ACARES” یێ خزمهتگۆزارییێن ئهكادیمی ب ههفكاری دگهل یازده زانكۆ و دهزگههێن خواندن و ڤهكۆلینێ ل هۆڵا ئۆتێل پهروهر هاته ڤهكرن و بریاره بۆ ماوێ دۆ ڕۆژان بهردهوام بیت.
جودا ژ ڤهكۆلهر و مامۆستایێن زانكۆیێن ههرێما كۆردستانێ و عیراقێ هژمارهكا ڤهكۆلهر و مامۆستایێن وهلاتێن مالیزیا و هندستانێ و توركیا و سعودی و ڕوسیا و بریتانیا و عومان سعودی و ئوردن هژمارهكا ڤهكۆلینان لدور ئاڤا پاقژ و ساخلهمییا ژینگههێ و دهستكهفتنا وزهیا پاقژ ب بۆهایهكێ گۆنجای و پیشهسازی و داهێنهن و ژێرخانهیان و باژێر و جڤاكێن بهردهوام و كاركرن بو سهقایێن كهشۆههوای پێشكێشی كۆنفرانسی كرینه و پشتی ههلسهنگاندنا زانستی ٥٠ ڤهكۆلین هاتینه پهسهندكرن و د ههردوو ڕۆژاندا دێ گهنگهشه لسهر هێته كرن و دێ ل باشترین گۆڤارێن زانستیێ هێنه بهلافكرن.