تیمی غەواسی بەرگریی شارستانیی خەبات تەرمی هاوڵاتییەکیان لە زێی گەورە لە سنووری کەورگۆسک دۆزییەوە، کە پێشتر لە ئاودا خنکابوو.
بەپێی زانیارییەکان، ئەو هاوڵاتییەی تەرمەکەی دۆزراوەتەوە ناوی (ئیسماعیل ڕەعد مەحمود)ە.
تیمەکانی بەرگریی شارستانی ڕایانگەناندووە، هاوكات لەگەڵ دۆزینەوەی ئەم تەرمەدا، گەڕان و پشکنینەکانیان بەردەوامی هەبووە و هەوڵەکان چڕکراونەتەوە بۆ دۆزینەوەی تەرمی هاوڵاتییەکی دیکە کە لە هەمان ڕووداودا خنکاوە و تاوەکو ئێستا نەدۆزراوەتەوە.
تیمەکانی غەواسی خەبات دووپاتی دەکەنەوە بەردەوام دەبن تاوەکو تەرمی هاوڵاتییەکەی دیکەش دەدۆزرێتەوە.