zagros news agency

دوو كه‌س به‌ 78 كیلۆگرام مادده‌ی هۆشبه‌ره‌وه‌ ده‌ستگیركران

دوو بازرگان دەستگیرکران و بڕی (78) کیلۆگرام ماددەی هۆشبەریش دەستی بەسەرداگیرا.

له‌ ڕاگه‌یه‌ندراوێكدا بەرێوەبەرایەتی نەهێشتنی ماددەهۆشبەرەکان بڵاویكرده‌وه‌، لە دوو چاڵاکییدا لە ڕۆژانی 10 و 11ی 9ی 2024 لەبازگەی (هیران) توانرا بڕی (78)کیلۆگرام ماددەی هۆشبەری جۆری کریستاڵ دەستی به‌سه‌رداگیرا، كه‌ یەکەمییان بڕی (73) کیلۆگرام لەنێو ئوتۆمبێلێکی بارهەڵگر و دووەمیشیان بڕی(5) کیلۆگرام لەنێو ئوتۆمبێلێکی تایبەتدا حەشار درابوون .

به‌ڕێوه‌به‌رایه‌تییه‌كه‌ ئاماژه‌ی به‌وه‌ش داوه‌، هاوکات هەر لەم دوو چاڵاکییەدا توانراوە (2) بازرگان دەستگیربکەن کە بەنیاز بوون ئەم دوو بڕە ماددەهۆشبەرە بۆ شاری هەولێر و دهۆک بگوازنەوە.

بەرێوەبەرایەتی نەهێشتنی ماددەهۆشبەرەکان ئه‌وه‌شی خستووه‌ته‌ ڕوو، لە دادگا دۆسیە بۆ تاوانەکە کراوەتەوە و تاوانباران بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان ڕووبەڕووی یاسا دەکرێنەوە، لەلایەن بەڕێوەبەرایەتییەكه‌مانه‌وە بەدواداچوون بەردەوامە بۆ ئەم دۆسیەیەو دەستگیرکردنی تەواوی ئەم تۆڕە بازرگانییە.

هەواڵی پەیوەندیدار

بە 100 ملیۆن دۆلار بەشی نوێی “Rush Hour” بەرهەم دێت

ART

ناتانیاهوو دوای هۆشداریی ترەمپ، ئامادەییی مەرجدار بۆ گفتوگۆ لەگەڵ سووریا ڕادەگەیەنێت

یاسین

وەزیری ئەوقاف : پشتیوان بەخوای گەورە و دڵسۆزانی ئەم وڵاتە ئازیزەمان، لەکۆتایدا کوردستان بەسەر ھەموو ئاستەنگەکاندا سەردەکەوێت

یاسین