کازم ساهیر، هونەرمەندی ناسراوی عێراقی، بڕیاری دا گۆرانی “الحلوين” لە ئەلبومە نوێیەکەی بە ناوی “بلا عنوان” بسڕێتەوە.
ئەم بڕیارە دوای ئەوە هات کە تیمی بەڕێوەبردنی کارەکانی تێبینییان کرد تێکست و ئاوازی ئەم بەرهەمە زۆر لە گۆرانییەکی کۆنی هونەرمەند حەمید مەنسووور دەچێت.
ئەو گۆرانییە لە 1979 بە ناوی “وش قالو الحلوين” بڵاوکرابووەوە و لە نووسینی بەشیر عەبوودی بوو.
بەشی کارگێڕیی کارەکقنی ساهیر ڕوونی کردەوە، ئەم هەنگاوەیان بۆ ڕێگریکردن لە هەر کێشەیەکی یاسایی و مافی خاوەندارێتیی هونەری ناوە.
ئەم ڕووداوە لە کاتێکدایە کە پێشتر حەمید مەنسوور لە بەرنامەیەکی تەلەڤزیۆنیدا ڕەخنەی لە ساهیر گردبوو و گوتبووی، لەو بڕوایەدایە کە ساهیر تەنیا گۆرانیبێژە و لە عێراق دەنگی زۆر خۆشتر لەوە هەن.
ئەلبومە نوێیەکە 18 گۆرانی لەخۆدەگرێت و بەرهەمی هاوکارییە لەگەڵ شاعیرانی وەک كريم عێراقی و لەمیعە عەباس عەمارە و ئاوازدانەران و دابەشکارانی جیاواز.