ئه‌مڕۆ یه‌كشه‌ممه 15ی 9ی 2024، میدیاكانی فه‌ڕه‌نسا بڵاویان كرده‌وه كه به‌له‌مێكی كۆچبه‌ران ژێرئاو كه‌وت و به‌هۆیه‌وه 8 كه‌س گیانیان له‌ده‌ست دا.
ئاشكرا كراوه، ئه‌و كۆچبه‌رانه هه‌وڵیان داوه له باكووری فه‌ڕه‌نساوه، به‌ره وڵاتی ئینگلته‌را بڕۆن، به‌ڵام به‌له‌مه‌كه‌یان وه‌رگه‌ڕا و به‌هۆیه‌وه 8 كۆچبه‌ر گیانیان له‌ده‌ست داوه.
هه‌ردوو حكوومه‌تی به‌ریتانیا و فه‌ڕه‌نسا ماوه‌یه‌كی زۆره هه‌وڵی ئه‌وه ده‌ده‌ن ڕێگه نه‌ده‌ن كۆچبه‌ران به شێوه‌ی نایاسایی كۆچ بكه‌ن كه پاره‌یه‌كی زۆر ده‌ده‌نه قاچاخچییه‌كان بۆ په‌ڕینه‌وه‌یان به به‌له‌م و هه‌ندێ جاریش به‌هۆی وه‌رگه‌ڕانی به‌له‌مه‌كانیانه‌وه كۆچبه‌ران گیان له‌ده‌ست ده‌ده‌ن.