بەربژێرێ ژمارە 20 لسەر ليستا پارتی ل بازنا دھوکێ راگەھاند: ئەز وەکو پێشمەرگە دێ بەرەڤانيێ ژ ماف و انتيازاتێن پێشمەرگەی کەم و دێ کارکەم بۆ دانانا سیستەمەکێ ھاريکاريێن ساخلەمی بۆمالباتێن پێشمەرگەی.
راستی عبدالعزیز دۆسکی بەربژێرێ ژمارە 20 لسەر ليستا 190 يا پارتی ديموکراتی کوردستان ل بازنا دھۆک بۆ ئاژانسا هەواڵی زگرۆس راگەھاند: ئەز وەکو بەربژێرەکێ پێشمەرگە لسەر ليستا پارتی ب ھەمی ھێز و شيان ڤە دێ کارکەم بو باشتر کرنا ژيانا پێشمەرگەی و وەک ھەڤکرنا موچێن پێشمەرگەی و ديسان دێ ھەول دەين بو دانا ھاوکاريان بۆ وان پێشمەرگێن پێتڤی ل بوارێن چارەسەریا ساخلەميێ دا بۆ وان و زاروکێن وان.
دۆسکی دیار ژی کر: ئەز وەکو کورە جوتيارەک دناف ھوڵێن پەرڵەمانی دا دێ کارکەم ژ بوی باشتر کرنا رەوشا جوتياران، هەرچەندە حکومەتا ھەرێما کوردستانێ د چار سالێن بوری دا پالپشت و پشتەڤانێت باش يێن جوتياران بوينە بلێ ئەم دێ ھەول دەين ئەوێ ھاوکاريێ زێدتر و باشتر بگەھينينە دەستێن ھەمی جوتياران بێ جياوازی بۆ ھندێ کەرتێ کشتوکالی وەکی کەرتەکێ گرنگ زێدەتر بەرەف پێش بچيت ل کوردستانێ.
بەربژێرێ ژمارە 20 لسەر ليستا 190 يا پارتی ل بازنا دھوکێ گوت: ھيڤيا من ئەوە ببمە جھێ باوەريێ بو خەلکێ خو يێ خوشتڤی بۆ ھندێ بشێم بەرگريکارەکێ سەرسەخت يێ خەلکێ خو بم دناڤ ھولێن پەرڵەمانی دا.