کاندیدی ژمارە ٦٣ی لیستی ١٩٠ی پارتی دیموکراتی کوردستان لە بازنەی ھەولێر رایگەیاند، کە زۆر بەرنامە و پلانم ھەیە بۆ پەرلەمانی کوردستان لە پێناو خزمەتکردنی ھاووڵاتیاندا.
نەسرەت سۆفی، کاندیدی ژمارە ٦٣ی لیستی ١٩٠ی پارتی دیموکراتی کوردستان لە بازنەی ھەولێر، بە ئاژانسی هەواڵی زاگرۆسی راگەیاند: شانازییە بۆ من کاندیدی پارتیم لە بازنەی ھەولێر، ئەگەر متمانەی دەنگدەران بەدەست بێنم، ئەوا کەسێکی ڕاستگۆ دەبم لەگەڵ خەڵکی و ھەمیشە دەنگێکی دلێر دەبم بۆ بەرگریکردن لە ھاووڵاتیان، کە زۆر بەرنامە و پلانم ھەیە بۆ پەرلەمانی کوردستان لە پێناو خزمەتکردنی ھاووڵاتیاندا.
کاندیدی ژمارە ٦٣ی لیستی ١٩٠ی پارتی دیموکراتی کوردستان لە بازنەی ھەولێر گووتی: تەنیا پارتی لەسەر ڕێڕەوی حزمەتگوزاریی و پڕۆژەسازیی جیدی بەردەوامە، بۆیە دەنگدان بە لیستی ١٩٠ دەنگدانە بە ئێستا و داھاتوویەکی ڕووناک بۆ پەرەپێدانی خزمەتگوزاریی.
هەروەها نەسرەت سۆفی، کاندیدی ژمارە ٦٣ی لیستی ١٩٠ی پارتی دیموکراتی کوردستان لە بازنەی ھەولێر ئەوەشی بۆ ئاژانسی هەواڵی زاگرۆس خستەروو، کە داوا لە هاولاتیان و لایەنگرانی پارتی دیموکراتی کوردستان دەکەم کەوا رۆژی دەنگدان بە گرۆتینەوە بچنە سەر سندوقەکانی دەنگدان و دەنگ بە لیستی ١٩٠ی پارتی دیموکراتی کوردستان و کاندیدەکانی بدەن.
رێباز یونس