وتەبێژی بەرێوەبەرایەتی بەرگریی شارستانیی هەولێر رایگەیاند، کە کەمێک پێش ئێستا ئاگرێک لە شووقەکانی ئیسکان تاوەرز لە هەولێر کەوتەوە و ئاگرەکە هیچ زیانێکی گیانی نییە.
شاخەوان سەعید، وتەبێژی بەرێوەبەرایەتی بەرگریی شارستانیی هەولێر، بە ئاژانسی ھەواڵی زاگرۆسی راگەیاند: شوقەیەک لە نهۆمی 14ی ئیسکان تاوەرز ئاگری گرتووە و بەتەواوی سووتاوە.
هەروەها شاخەوان سەعید، وتەبێژی بەرێوەبەرایەتی بەرگریی شارستانیی هەولێر ئەوەشی بۆ ئاژانسی ھەواڵی زاگرۆس خستەروو، کە ئاگرەکە هیچ زیانێکی گیانی نییەو کۆنترۆل کراو لێکۆلینەوە دەکرێت لە هۆکاری کەوتنەوەی ئاگرەکە.
رێباز یونس