٥١٣٦ هاووڵاتی هەرێمی کوردستان بۆ ئەمساڵ فەریزەی حەج جێ بەجێ دەکەن
سەرۆکی شاندی حاجیانی کوردستان (شێخ نیاز راغب نەقشبەندی) لە لێدوانێکی تایبەت بە پەیجی حەج و عومڕەی کوردستان رایگەیاند هەموو ئامادەکارییەکیان بۆ پێشوازیکردن لە وەرزی حەجی ئەمساڵ کردووە و هەوڵدەدەن باشترین خزمەت پێشکەش بە حاجیانی کوردستان بکەن و ئاماژەی بەوەیشدا حکوومەتی هەرێمی کوردستان بەردەوام پاڵپشتی پرۆسەی حەج و عومڕەیە لە هەرێمی کوردستان و بۆ ئەمساڵیش رێزدار( مەسرور بارزانی ) سەرۆکی حکومەتی هەرێمی کوردستان بەرێز وەزیری ئەوقاف و کاروباری ئایینی ( د. پشتیوان صادق) ڕاسپارد کە بڕی چوار ملیار و دووسەد ملیۆن دینار پاڵپشتی پرۆسەی حەج بکرێت تاوەکوو تێچووی حەج لەسەر هاووڵاتیان کەم بکرێتەوە
(شێخ نیاز راغب نەقشبەندی) سەرۆکی شاندی حاجیانی کوردستان هەروەها رایگەیاند لە رۆژی ١٦\٥\٢٠٢٥ یەکەم کاروانی حاجیانی کوردستان بەرەو سعوودیە بەرێ دەکەون.
سەرۆکی شاندنی حاجیانی کوردستان باسیشی لەوە کرد کە لە رۆژی ١٦ -١٧\٥\٢٠٢٥ حاجیانی کوردستان بەرێگای وشکانی بەرێ دەکەون کە ژمارەیان ١٦٤٥ حاجییە و رۆژی ١٩\٥\٢٠٢٥ یەکەم کاروانی حاجیانی کوردستان بەرێگەی ئاسمانی لە رێگەی هەردوو فرۆکەخانەی نێودەوڵەتی هەولێر و سلێمانییەوە بەرەو سعوودیە بەرێ دەکەون کە ژمارەیان ٣٤٩١ حاجیە.
(شێخ نیاز راغب نەقشبەندی) سەرۆکی شاندی حاجیانی کوردستان هەروەها ئاماژەی بەوەدا کە حاجیانی وشکانی بەدوو رۆژ گەشت دەکەن بەجۆرێک حاجیانی( پارێزگای سلێمانی و پارێزگای هەڵەبجە و هەردوو ئیدارەی سەربەخۆی راپەرین و گەرمیان)، لە رۆژی ١٦\٥\٢٠٢٥ گەشت دەکەن و حاجیانی (پارێزگای هەولێر و پارێزگای دهۆک و ئیدارەی سەربەخۆی سۆران و زاخۆ)، لە رۆژی ١٧\٥\٢٠٢٥ بەرەو عەرەبستانی سعوودیە بەرێ دەکەون
سەرۆکی شاندی حاجیانی کوردستان لە لێدوانەکەیدا بۆ پەیجی حەج و عومڕەی کوردستان هەروەها رایگەیاند حاجیانی ئاسمانی کە لەرۆژی ١٩\٥\٢٠٢٥ گەشتەکانیان دەستپێدەکات تاوەکوو رۆژی ٢٨\٥\٢٠٢٥ گەشتەکانی ئاسمانی بەردەوام دەبێت.