ڕژێمە یەک لە دوای یەکەکانی عێراق بە تاوانەکانی ئەنفال و جینۆسایدو کیمیاباران و خاپور کردنی کوردستان ویستیان کوردستان و گەلەکەی نەهێڵن و بیسڕنەوە، بەڵام هەموویان سڕانەوە و لەناوچوون و گەلی کوردستان بەشکۆو سەربەرزی مایەوە.
شوان محمد، جێگری سەرۆکی لیژنەی شەهیدان لە ئەنجومەنی نووێنەرانی عێراق، بە ئاژانسی هەواڵی زاگرۆسی راگەیاند: چل و دوو ساڵ بەر لە ئێستا و لە ڕۆژێكی وەكو ئەمڕۆدا ڕژێمی ڕووخاوی بەعس لە تاوانێکی نامرۆڤانە و دڕندانەدا هەشت هەزار هاوڵاتی سڤیلی بارزانی دەست بەسەر کرد و بە زۆرەملی ڕاپێچی بیابانەكانی ناوەڕاست و باشوری عێراقی كردن و كۆمەڵكوژی كردن.
جێگری سەرۆکی لیژنەی شەهیدان لە ئەنجومەنی نووێنەرانی عێراق گووتی: ڕژێمە یەک لە دوای یەکەکانی عێراق بە تاوانەکانی ئەنفال و جینۆسایدو کیمیاباران و خاپور کردنی کوردستان ویستیان کوردستان و گەلەکەی نەهێڵن و بیسڕنەوە، بەڵام هەموویان سڕانەوە و لەناوچوون و گەلی کوردستان بەشکۆو سەربەرزی مایەوە و لە ئێستاشدا گەلی کورد لێ بڕاوانە بەردەوامە لە ڕووبەڕوو بوونەوەی ئەو عەقڵیەتە شۆڤێنیەی کە هێشتا لە لە سەر ئاستی کەس و گروپ و حزب لە عێراق بوونی هەیە و خەڵکی کوردستان سزا دەدات و مووچەیان دەبڕێت و (درۆن ) ئاراستەی کوردستان دەکات، درود و سڵاو بۆ ڕۆحی پاكی بارزانییە جینۆساید کراوەکان و هەموو شەهیدانی ئەنفال و شەهیدانی ڕێگەی ئازادی كوردستان.
رێباز یونس