سەرۆکی شارەوانیی هەولێر رایدەگەیێنێت :” بۆ ئەوەی کێشەی یاسایی دروست نەبێت، لە بری پێدانی کارتی زەوییەکان، سوودمەندبووان راستەوخۆ زەوییەکانیان بە ناو دەکرێت.
کارزان هادی، سەرۆکی شارەوانیی هەولێر رایگەیاند: لەمەودوا ئەو زەویانەی دابەش دەکرێن بە کارت نابن، بەڵکو راستەوخۆ بەناوی خودی فەرمانبەری سوودمەندبوو تاپۆ دەکرێت.
گوتیشی: ئەو زەویانەی دابەشکراون وێنەی تۆماریان بۆ ئامادە دەکرێت، بۆ ئەوە لە بەڕێوەبەرایەتییەکانی تۆمارکردنی خانووبەرە راستەوخۆ بەناوی فەرمانبەرەکە، واتە خاوەنەکەی تۆمار دەکرێت.
ئاماژەی وەشدا، لە رابردوودا دابەشکردنی کارتی زەوی مامەڵەیەکی زۆری پێدەکرا و چەندین کێشە و گرفتی خێزانی و کۆمەڵایەتی دروست دەکرد، بۆ دووبارە نەبوونەوەی کێشەکان، ڕاستەوخۆ زەوییەکان بە ناوی خودی فەرمانبەرانەوە تاپۆ دەکرێن.