بە بەكارهێنانی 500 تۆن قیر كۆڵانەكانی گەڕەكی کورانی عەنکاوە قیرتاو كرانەوە
لە چوارچێوەی پلانی نۆژەنكردنەوە و دووبارە قیرتاوكردنەوەی شەقام و كۆڵانەكانی شاری هەولێر، وەک قۆناغی یەکەم بە بەكارهێنانی بڕی 500 تۆن قیڕی بەرهەمهاتووی کارگەی قیری سەرۆکایەتیی شارەوانیی هەولێر ژمارەیەكی زۆری کۆڵانەکانی گەڕەکی کورانی عەنکاوە قیرتاو و چاككرانەوە.
ئەو هەڵمەتە بەشێوەیەکی گشتگیر لەسنووری هەر شەش بەڕێوەبەرایەتیی شارەوانی بەردەوامە و لە ڕۆژانی داهاتوودا کارەکان چڕتر دەكرێنەوە، بۆ ئەوەی تەواوی چاڵ و شکستەكانی شەقام و کۆڵانەکانی گەڕەکی کورانی عەنکاوە ڕێک دەخرێتەوە و قیرتاو دەکرێن.