بەرێز رێبەر ئەحمەد وەزیری ناوخۆی کوردستان لە مەراسیمێکی تایبەتدا، رێز و سوپاسی پێشکەشی سەرۆکی هەردوو دادگای هێزەکانی ئاسایشی ناوخۆ / یەک و دوو کرد بە بۆنەی خانەنشین بوونیان.
رۆژی دوو شەممە رێکەوتی ١٢ی کانوونی دووەمی ٢٠٢٦، بەرێز وەزیری ناوخۆ بە ئامادەبوونی ژمارەیەک لە بەڕێوەبەرانی گشتی وەزارەت، پێشوازی کرد لە بەرێزان لیوای مافپەروەر دلێر عەلی حەمە – سەرۆکی دادگای هێزەکانی ئاسایشی ناوخۆ / دوو، لیوای مافپەروەر عبدالواحد حسن ابراهیم -سەرۆکی دادگای هێزەکانی ئاسایشی ناوخۆ / یەک.
لە دانیشتنەکەدا بەرێز وەزیری ناوخۆ ستایشی رۆڵی هەردوو سەرۆکی دادگای کرد وەکو دوو ئەفسەری دڵسۆز و لێهاتوو کە لە ماوەی رابردوو خزمەتی کوردستانیان کردووە و پارێزگاریان لە سەروەری یاسا کردووە، سوپاس و پێزانینی پێشکەش کردن و هیوای تەندروستی باش و سەلامەتی بۆ خواستن لە ژیانی داهاتوویاندا.