سەرۆكی یەكێتیی هاوردە و ناردنكاران رای دەگەیەنێت، كۆگەكان پڕن لە خۆراك و بازرگانی بەردەوامە، بۆیە هیچ نیگەرانییەك نییە لە دابینكردنی خۆراك.
ئەمڕۆ دووشەممە دووی ئادار، شێخ مستەفا شێخ عەبدولڕەحمان سەرۆكی یەكێتیی هاوردە و ناردنكارانی كوردستان، رایگەیاند، دڵنیایی بە هاووڵاتییان دەدەین كە كۆگەكانمان پڕن لە خۆراك و پێویست ناكات بترسن.
زیاتر گوتی، پێشتر ئێمە كۆرۆنامان تێپەڕاند كە چەند سەخت بوو، ئەم دۆخەش كاتییە و تێدەپەڕێت، پێویست ناكات هاووڵاتییان بە لێشاو خۆراك بكڕن، ئەگەر دەروازەكانیش دابخرێن كارگەریی نەرێنی لەسەرمان نابێت، چونكە كۆگەكانمان پڕن لە خۆراك.