کەشناسی هەرێم پێشبینی تاوە بارانی بەهاری دەکات و پلەکانی گەرما بەرز دەبنەوە

​بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند، کە ئەمڕۆ چوارشەممە 29-4-2026، ئاسمان لە نێوان بەیانی تا دوای نیوەڕۆ بە گشتی نیمچە هەور دەبێت. لە دوای نیوەڕۆوە لە ناوچە شاخاوییەکان، سەنتەری پارێزگای دهۆک و ئیدارەی زاخۆ ئاسمان دەگۆڕێت بۆ هەوری تەواو و ئەگەری تاوە بارانی بەهاری هەیە، کە لە هەندێک ناوچەدا ڕەنگە ببێتە لێزمە باران. هەروەها لە کاتەکانی ئێوارەدا ئەگەری کەمێک باران لە سەنتەری سلێمانی، هەڵەبجە و بەشێک لە کەرکووک هەیە.

​پلەکانی گەرمای ئەمڕۆ بەراورد بە دوێنێ کەمێک بەرز دەبنەوە. ئاراستەی با بەرەو باکووری ڕۆژهەڵات دەبێت بە خێرایی (10-20) کم/ک، و مەودای بینین لە نێوان (7-9) کم دەبێت.

​سەبارەت بە کەشوهەوای سبەی پێنجشەممە 30-4-2026، ئاسمان بە گشتی نیمچە هەور دەبێت و کەشوهەوا تا ڕادەیەک سەقامگیر دەبێت، تەنها لە ناوچە شاخاوییە بەرزەکان و ئەو قەزا و ناحیانەی دەکەونە ناو زنجیرە شاخەکان ئەگەری چڕبوونەوەی هەور و دابارین لە کاتەکانی دوای نیوەڕۆدا هەیە. پلەکانی گەرماش بەراورد بە ئەمڕۆ کەمێکی تر ڕوو لە بەرزبوونەوە دەکەن.

​بەرزترین پلەکانی گەرمای پێشبینیکراو بۆ ئەمڕۆ و سبەی:

​هەولێر: ئەمڕۆ 23، سبەی 24

سلێمانی: ئەمڕۆ 21، سبەی 23

دهۆک: ئەمڕۆ 22، سبەی 23

هەڵەبجە: ئەمڕۆ 21، سبەی 23

زاخۆ: ئەمڕۆ 23، سبەی 24

گەرمیان: ئەمڕۆ 25، سبەی 25

چەمچەماڵ: ئەمڕۆ 24، سبەی 24

سۆران: ئەمڕۆ 21، سبەی 22

پیرمام: ئەمڕۆ 20، سبەی 22

حاجی ئۆمەران: ئەمڕۆ 14، سبەی14