لەسەر فەرمانی مەسرور بارزانی، سەرۆکی حکومەتی هەرێمی کوردستان بڕیار درا بە تەرخانکردنی پارچە زەویی نیشەجێبوون بۆ (٥,٥٤٠) پێنج هەزار و پێنجسەد و چل لە شەهیدانی سەنگەر و جێنوسایدکراوان و (١٥,٤٩٩) پازدە هەزار و چوارسەد و نەوەد و نۆ لە زیندانیکراو و گیراوی سیاسی لە سنووری هەر چوار پارێزگەی هەرێم ( هەولێر، سلێمانی، دهۆک و هەڵەبجە) و لە هەر چوار ئیدارەی سەربەخۆ (سۆران، گەرمیان، ڕاپەڕین و زاخۆ) کە شایستەی تەرخانکردنی زەوین، بەپێی حوکمەکانی یاسای ماف و ئیمتیازاتی کەسوکاری شەهیدان و ئەنفالکراوان لە هەرێمی کوردستان – عێراق ژمارە (٩)ی ساڵی (٢٠٠٧) ی هەموارکراو و یاسای ئیمتیازاتی زیندانیکراو و گیراوانی سیاسیی کوردستانی ژمارە (١١)ی ساڵی (٢٠١١).