کەشناسی: پلەکانی گەرما زیاتر نزم دەبنەوە و سبەی ئەگەری بەرزبوونەوەی تۆزێکی سووک هەیە

​بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند؛ ئەمڕۆ سێشەممە 14-07-2026، ئاسمان بە گشتی ساماڵ دەبێت. پلەکانی گەرما بە بڕی (1 بۆ 2) پلەی سیلیزی بەراورد بە تۆمارکراوەکانی دوێنێ نزم دەبنەوە، خێرایی با لەسەرخۆ بۆ مامناوەند دەبێت (10-15) کم/ک بە ئاراستەی باکووری ڕۆژئاوا و لە دوای نیوەڕۆوە هەندێک کات چالاک دەبێت بۆ 20 کم/ک، مەودای بینینیش لە نێوان (9-10) کم دەبێت.
​سەبارەت بە کەشوهەوای سبەی چوارشەممە 15-07-2026، ئاسمان ساماڵ دەبێت لەگەڵ ئەگەری بەرزبوونەوەی تۆزێکی کەم لە کاتەکانی بەیانی تاکو دوای نیوەڕۆ لە ناوچەکانی باشووری هەرێم و گەرمیان؛ پێشبینیش دەکرێت پلەکانی گەرما کەمێک زیاتر نزم ببنەوە بەراورد بە تۆمارکراوەکانی ئەمڕۆ. خێرایی با لەسەرخۆ بۆ مامناوەند (10-20) کم/ک دەبێت بە ئاراستەی باکووری ڕۆژئاوا، وە مەودای بینین لە نێوان (8-9) کم دەبێت.
​بەرزترین پلەکانی گەرمای پێشبینیکراو بۆ ئەمڕۆ و سبەی:
​هەولێر: ئەمڕۆ 43 سبەی 42
​سلێمانی: ئەمڕۆ 42 سبەی 41
​دهۆک: ئەمڕۆ 41 سبەی 40
​هەڵەبجە: ئەمڕۆ 45 سبەی 43
​گەرمیان: ئەمڕۆ 46 سبەی 45
​زاخۆ: ئەمڕۆ 42 سبەی 41
​سۆران: ئەمڕۆ 41 سبەی 40
​چەمچەماڵ: ئەمڕۆ 43 سبەی 42
​ئاکرێ: ئەمڕۆ 42 سبەی 41
​پیرمام: ئەمڕۆ 38 سبەی 37
​حاجی ئۆمەران: ئەمڕۆ 35 سبەی 33