داتا فەرمییەکانی ناوەندی بازرگانیی نێودەوڵەتی، بە پشتبەستن بە ئامارەکانی پەیمانگای ئاماری تورکیا (TURKSTAT)، ئاشکرای دەکەن کە بەهای هەناردەی تورکیا بۆ عێراق لە سێ مانگی یەکەمی ساڵی ٢٠٢٦دا بۆ نزیکەی ٢.٣ ملیار دۆلار دابەزیوە، لە کاتێکدا لە سێ مانگی کۆتایی ساڵی ٢٠٢٥دا ٣.٧ ملیار دۆلار بووە.
پوختەی ئامارەکان و جۆری کاڵا هەناردەکراوەکان:
کەمبوونەوەی ڕێژەی هەناردە: داتاکان نیشانی دەدەن کە هەناردەی ئەنقەرە بۆ بازاڕەکانی عێراق پاشەکشەی کردووە، بەڵام سەرەڕای ئەمەش عێراق وەک یەکێک لە سەرەکیترین دەروازەکانی هەناردەکردنی تورکیا ماوەتەوە.
لوتکەی کاڵا هەناردەکراوەکان:
مەعجونی تەماتە و مزرەمەنییە فرێش و وشککراوەکان: لە پێشەنگی کاڵاکاندایە بە بەهای ٢٤٥ ملیۆن دۆلار.
هەویرکاری و شیرەمەنییەکان: بە بەهای ٩٥ ملیۆن دۆلار.
ڕۆنی بەرهەم هاتوو لە تۆوی بەڕوودۆڵ، لۆکە و گەنمەشامی: بە بەهای ٨٠ ملیۆن دۆلار.
کەلپەلی ناوماڵ و مۆبیلیات: بە بەهای ٦٠ ملیۆن دۆلار.
زێڕ و خشڵی دروستکراو لە کانزا بەهادارەکان: بە بەهای ٥٨ ملیۆن دۆلار.
کاڵاکانی تر: هەناردەکە چەندین بەرهەمی تری وەک شیش و کەرەستەکانی ئەلەمنیۆم، جلوبەرگی ئافرەتان و زیو لەخۆدەگرێت، ئەمەش هەمەجۆریی بازرگانیی نێوان هەردوو وڵات نیشان دەدات کە هێشتا کەرەستەی خۆراکی و کاڵا بەکاربەرەکان لە پێشەنگیدان.