بەڕێوەبەرایەتیی گشتیی تەندروستیی ڕاپەڕین ڕایگەیاند، بەهۆی ڕووداوێکی تەقینەوە لە قەزای حاجیاوا، شەش هاووڵاتی بوونە قوربانی، کە لە ئەنجامدا سێ کەسیان گیانیان لەدەستداوە و سێ کەسی دیکەشیان بریندار بوون.
بەپێی ڕاگەیەندراوێکی بەڕێوەبەرایەتییەکە، ئەو سێ کەسەی گیانیان لەدەستداوە پێک هاتوون لە ئافرەتێک و دوو منداڵ.
هەروەها ئاماژە بەوەش کراوە کە هەر لە هەمان ڕووداودا سێ کەسی دیکە بریندار بوون، کە سەرجەمیان ئافرەتن و لەئێستادا چارەسەری پزیشکی وەردەگرن.