جێگری سەرۆکی پارتی چاکسازی تورکمان پەیامێک بۆ سەرۆک بارزانی دەنێرێت و دەڵێت: بە خۆشحاڵی و شانازییەکی زۆرەوە، گەرمترین و جوانترین پیرۆزبایی ئاراستەی جەنابتان دەکەم بە بۆنەی پێبەخشینی «نیشانی باڵای قەداسەتی پاپای ڤاتیکان».
مونا نه‌بی قەهوەچی، لەپەیامێدا ئاماژە بەوەدەکات ئەم ڕێزلێنانە باڵایە جەختکردنەوەیەکە لەسەر ڕۆڵی مێژوویی و دیاری جەنابتان لە پاراستنی پێكەوەژیانی ئاشتییانە، لێبوردەیی، و داڵدەدانی لێقەوماوان و پێكهاتە جیاوازە ئایینی و نەتەوەییەکان لە هەرێمی کوردستان.
ئەوەش دەخاتەروو: سەرکردایەتیکردنی سەرکەوتووانەتان لە بەهێزکردنی کولتووری ئاشتی و تەبایی، ڕێز و پێزانینی جیهانی بۆ خەڵک و خاکی کوردستان بەدەستهێناوە.
له خودای مه‌زن خوازیارم تەمەندرێژ و تەندروست بن، و هەمیشە سەركەوتوو بن لە خزمەتکردنی گەلەکەمان و چەسپاندنی بەها مرۆییەکان.