ئهڤرۆ سێشهمبی د.عهلی تهتهر، پارێزگارێ دهوكێ پێشوازی ل “Klemens Semtner” باڵیۆزێ ئێكهتییا ئهوڕۆپا ل عیراقێ و Christian Oelfke” كۆنسۆڵێ گشتی یێ ئهڵمانیا فیدڕال ل ههرێما كۆردستانێ و ” Bertrille Snoeijer” جێگرا کۆنسۆڵێ گشتی یێ هۆڵەندا ل ههرێما كوردستانێ و شاندێ دگهلدا كر.
د ڕۆنشتنێ دا بهحس ل پێشڤهچۆنێن پهیوهندییان د ناڤبەرا ههرێما كوردستانێ و عیراقێ و وهڵاتێن ئێكەتیا ئەوروپا و مژارێن هەرێمی و نێڤدەوڵەتی و ههماههنگی و بەرژەوەندییێن ههڤشك و بهێزئێخستن و پهرهپێدانا ههماههنگییا د ناڤبەرا دامودەزگایێن جودا و كارێن ڕێكخراوهیی یێن ب كاروبارێن ب خزمهتا وهلاتیانڤه گرێدای هاتهكرن.
د تهوهرهكێ دی یێ ڕۆنشتنێ دا ب ئامادهبۆنا “رزا نایف”ڕێڤهبهرێ گشتی یێ چاڤدێری و گهشهپێدانا جڤاكی بهحس ل پڕۆژێ پێشڤەبرنا تۆرێن پاراستنا كۆمەلایەتی یێ هاروكاریكرنا كێمدهرامهتا ل سنورێ پارێزگهها دهوكێ هاتهكرن كۆ ژلایێ ههردوو حكۆمهتێن هوڵهندا و ئهڵمانیا فیدڕال ب ڕێكا كۆنسۆلخانهییێن خۆ و ب ڕێكا بهنكا” KFW” یا ئهڵمانی و ب ههماههنگی دگهل ڕێڤهبهرییا گشتی یا چاڤدێری و گهشهپێدانا جڤاكی ل پارێزگهها دهوكێ دهێته ئهنجامدان.