هێزە ئەمنییەکانی پارێزگای نەجەف، خاوەنی دوکانێکی گۆشتفرۆشتنیان لە قەزای کووفە دەستگیرکرد، بە تۆمەتی ئەوەی بەرازی کێوی ڕاوکردووە و گۆشتەکەی لە دوکانەکەیدا بە هاووڵاتییان فرۆشتووە.
بەپێی زانیارییە بڵاوکراوەکان، تۆمەتبارەکە بەرازە کێوییەکانی لە ناوچەکانی “هۆڕی عەباسییە” ڕاوکردووە، دواتر گواستوویەتییەوە بۆ دوکانەکەی و دوای قیمەکردنی گۆشتەکەیان، وەک گۆشتی ئاسایی بە هاووڵاتییانی ناوچەکەی فرۆشتووە. لە ئێستاشدا تۆمەتبارەکە دەستبەسەرە و ڕێکاری یاسایی بەرامبەر گیراوەتەبەر.