سەرۆک مەسعود بارزانی، بەبۆنەی کۆچی دوایی کەسایەتیی نیشتمانپەروەر، خەباتگێڕ و پێشمەرگەی هەردوو شۆڕشی ئەیلوول و گوڵان و هەڵگری مێدالیای بارزانی، خوالێخۆشبوو (جەعفەر محەمەد بێبادی) پەیامێکی سەرەخۆشی و هاوخەمی ئاراستەی بنەماڵە و کەسوکاری ناوبراو کرد.
لە پەیامەکەی سەرۆک بارزانیدا هاتووە: “بە خەم و پەژارەیەکی زۆرەوە هەواڵی کۆچی دوایی کەسایەتیی نیشتمانپەروەر، خەباتگێڕ، پێشمەرگەی هەردوو شۆڕشی ئەیلوول و گوڵان و هەڵگری مێدالیای بارزانی، خوالێخۆشبوو (جەعفەر محەمەد بێبادی)ـمان پێگەیشت.”
سەرۆک بارزانی وێڕای هاوبەشیپێکردنی خەمەکەیان دەڵێت: “بەبۆنەی ئەم کۆستە خەمناکەوە، سەرەخۆشی و هاوخەمیی خۆم ئاراستەی خێزان، کەسوکار، هەڤاڵ و دۆستانی خوالێخۆشبوو جەعفەر بێبادی دەکەم و خۆم بە هاوبەشی خەمیان دەزانم.”
لە کۆتایی پەیامەکەشدا هاتووە: “لە خودای گەورە داواکارین گیانی خوالێخۆشبوو بە بەهەشتی بەرین شاد بکات و سەبووری و ئارامی بە هەموو لایەک ببەخشێت.”
ئهمهش دهقی پهیامههیه: