zagros news agency

پەروەردەی عێراق: یەکی تشرینی یەکەم دەوامی قوتابخانەکان دەست پێدەکات

 

وەزارەتی پەروەردەی عێراق ڕایگەیاند کە بڕیاری داوە ڕێککەوتی ۱ی تشرینی یەکەم ببێتە وادەی دەستپێکردنی دەوامی فەرمیی قوتابخانەکان.

پێشخستنی وادەی دەستپێکردنی خوێندن:

بەپێی ڕاگەیەندراوێکی وەزارەتی پەروەرده بڕیار دراوە وادەی دەستپێکردنی دەوامی فەرمیی قوتابخانەکان بۆ ساڵی خوێندنی ۲۰۲٦–۲۰۲۷ بهێنرێتە پێشەوە و بێتە ۱ی تشرینی یەکەمی داهاتوو لەجیاتی ئەو وادەیەی پێشتر دیاری کرابوو.

وەزارەت ئاماژەی بەوە کرد کە ئەم بڕیارە دوای تەواوکردنی ئامادەکارییەکان دێت بۆ دەستپێکردنی ساڵی نوێی خوێندن و ئامادەکردنی بینای قوتابخانەکان و پێداویستییە فێرکاری و کارگێڕییەکان (تەکنیکی و کارگێڕی) بۆ پێشوازیکردن لە قوتابیان و خوێندکاران.

ڕێنماییەکانی وەزیری پەروەردە:

عەبدولکەریم عەبتان ئەلجبوری، وەزیری پەروەردە، ئاڕاستەی بەرێوەبەرایەتییە گشتییەکانی پەروەردەی کرد کە ڕێکاری پێویست بگەرنە بەر بۆ جێبەجێکردنی ئەم بڕیارە و ئامادەکردنی سەرجەم قوتابخانەکان بە مەبەستی پێشوازیکردن لە قوتابیان لە وادە نوێیەکەدا.

هەواڵی پەیوەندیدار

باڵیۆزی نوێی تورکیا لە عێراق دەستبەکاربوو

سەڵاح

ئیسرائیل.. لە سەرەتای جەنگەوە تا ئێستا، 12 كەس گیانیان لەدەست داوە و هەزار و 50 كەسیش بریندار بوون

سەڵاح

پرسه‌نامه‌يه‌ك له‌ سه‌رۆكى هه‌رێمى كوردستانه‌وه‌

یاسین