ریال مه‌درید ئه‌ستێره‌یه‌كی گرنگی له‌ده‌ستدا شوبات 11, 2024 خۆشییه‌كانی یانه‌ی ریال مه‌درید درێژه‌ی نه‌كێشا به‌سه‌ركه‌وتنی به‌سه‌ر یانه‌ی جیرۆنا و جێگیركردنی پێگه‌ی خۆی له پێشه‌نگی خولی ئیسپانی به‌هۆی له‌ده‌ستدانی ئه‌ستێره‌یه‌كی دیاری تیپه‌كه‌ی. به‌پێی هه‌واڵێكی رۆژنامه‌كانی ئیسپانیا، جود بیلنگهام ئه‌ستێره‌ی دیاری یانه‌ی ریال مه‌درید له‌یاری تیپه‌كه‌ی به‌رامبه‌ر یانه‌ی جیرۆنا تووشی پێكان هاتووه . له‌هه‌واڵه‌كه هاتووه، به‌هۆی ئه‌و پێكانه به‌لایه‌نی كه‌م بیلنگهام بۆ ماوه‌ی دوو هه‌فته له یارییه‌كان دوور ده‌كه‌وێته‌وه . پێكانی بیلنگهام گورزێكی كوشنده بوو به‌ر یانه‌ی شاهانه كه‌وت، چونكه بیلنگهام دیارترین ئه‌ستێره‌ی ئه‌م وه‌زره‌ی یانه‌ی شاهانه‌یه .
