نرخى نەوت لە بازاڕەکانى جیهان بۆ ئەمڕۆ گۆڕانکارییان بەسەرداهاتوە و هەریەک لە نرخی نەوتى خاوى برێنت و تەکساسى ئەمەریکیش نرخەکەیان بەراورد بە رۆژی پێشتر دابەزینى تۆمار کردوە.
ئەمڕۆ سێشەممە لە بازاڕەکانى جیهان، نرخى بەرمیلێک نەوتى خاوى برێنت بە 77 دۆلار و 75 سەنت مامەڵەی پێوەدەکرێت و نرخەکەى بەراورد بە دوێنێ 3 دۆلار و 45 سەنت دابەزینى تۆمار کردوە.
جیا لە نەوتى برێنت، تەکساسى ئەمەریکیش نرخەکەی بە 73 دۆلار و 55 سەنت مامەڵەی پێوەدەکرێت و نرخەکەی بەراورد بە رۆژی پێشتر 3 دۆلار و چوار سەنت دابەزیوە.