ڕۆژی هەینی 14ی حوزەیرانی 2024 لە سەلاحەددین سەرۆک مەسعود بارزانی پێشوازی لە شاندێکی باڵای پارتی پێشڤەڕۆی کورد لە سووریا بە سەرۆکایەتیی دکتۆر سەلاح دەروێش سکرتێری پارتی پێشڤەڕۆی کورد لە سووریا کرد.
لە دیدارەکەدا بیروڕا لەبارەی دۆخی کورد لە سووریا و دوایین پێشهاتە سیاسییەکانی سووریا و پەیوەندیی نێوان لایەنەکان ئاڵوگۆڕ کرا.
هەر لەو دیدارەدا سەرۆک بارزانی پشتیوانیی خۆی بۆ هەماهەنگی و کاری هاوبەشی نێوان لایەنە ڕەسەنە کوردییەکانی سووریا دووپات کردەوە.