zagros news agency

جامی یۆرۆ.. سویسرا بەهێزی دەستیپێکرد و شکستی بە هەنگاریا هێنا

لە دووەم ڕۆژی یۆرۆی 2024دا، هەردوو هەڵبژاردەی هەنگاریا و سویسرا ڕووبەڕووی یەکتر بوونەوە.

 

لە ئەنجامدا هەڵبژاردەی سویسرا توانی یارییەکە بە سێ گۆڵ بەرامبەر بە گۆڵێک شکست بە هەنگاریا بهێنێت.

 

لە گێمی یەکەمدا، هەڵبژاردەی سویسرا باشتر دەرکەوت و لە خولەکی 12دا یاریزان کوادۆ دوا گۆڵی یەکەمی تۆمارکرد، هێرشەکانی هەردوو لا بەردەوامبوون بۆ تۆمارکردنی گۆڵی زیاتر، لە خولەکی یەکی زیادکراوی ئەو تایمە یاریزان میشێل ئابیشەر گۆڵی دووەمی تۆمارکرد و ئەو گێمە بەو شێوەیە مایەوە.

 

لە گێمی دووەم هەڵبژاردەی هەنگاریا باشتر دەرکەوت و لە خولەکی 66دا یاریزان ڤارگا ئەنجامەکەی بۆ گۆڵێک کەمکردەوە، دوای ئەوە هەردوو لا چەندین گۆڕانکاریان ئەنجامدا، تا لە خولەکەکانی زیادکراودا یاریزان ئیمبولو گۆڵی سێیەم و دڵنیایی هەڵبژاردەی سویسرای تۆمارکرد و یارییەکەش بەو ئەنجامە کۆتاییهات.

هەواڵی پەیوەندیدار

زیاتر لە پێنج هەزار فەرمانبەری دیکە لە ڕێگەی “هەژماری من” مووچەکەیان وەردەگرن

یاسین

دەستەی دەستپاکی عێراق: یاسای وەرگرتنەوەی پارەی دزراو لەپەرلەمانە

سەڵاح

دهۆك… خه‌ڵكی چوار گوند قه‌ره‌بوو كرانه‌وه‌

سەڵاح