ڕۆژنامەی سیدنی مۆرنینگ هیرالد بڵاویکردەوە، ئەنتۆنی ئەلبانیز، سەرۆکوەزیرانی ئوسترالیا بڕیاریداوە نەچێتە واشنتۆن بۆ بەشداریکردن لە لوتکەی ناتۆ و لەبری ئەوە ڕیچارد مارلز وەزیری بەرگری دەچێتە واشنتۆن.
بڕیارە ئەلبانیز لە لوتکەی تایبەت بە یادی 75 ساڵەی ناتۆ کە سێشەممەی داهاتوو دەستپێدەکات، چاوی بە هاوتاکانی خۆی لە ژاپۆن و کۆریای باشوور و نیوزلەندا بکەوێت وەک ئەندامانی بەناو “چوارینەی هیندستانی زەریای هادی“.
ڕۆژنامەکە نووسیویەتی: “ڕۆژی سێشەممە، نووسینگەی مارلێس بەیاننامەیەکی بڵاوکردەوە و ڕایگەیاندووە، ئامادەبوونی لە کۆبوونەوەکەدا جەخت لەسەر پابەندبوونی ئوسترالیا دەکاتەوە بۆ پشتگیریکردن لە ئەولەویەتەکانی ستراتیژی ناوچەکەمان و پاراستنی جیهانی لەسەر بنەمای یاسا لە هەمان کاتدا پێشخستنی کارنامەی ئاسایش و ئابووری و بازرگانی ئوسترالیا“.
سەرچاوەیەکی حکومەتی ئوسترالیا بە ڕۆژنامەی سیدنی مۆرنینگ هیرالدی ڕاگەیاندووە، ئەو بڕیارە دوای ئەوە دراوە کە ئەلبانییەکان پێش کۆبوونەوەی لوتکەکە نەیانتوانی کۆبوونەوەی دوو قۆڵی لەگەڵ جۆو بایدن، سەرۆکی ئەمەریکا ئەنجام بدەن.
بەگوێرەی ئەو سەرچاوەیە، نووسینگەی ئەلبانیز ئامۆژگاری سەرۆکوەزیرانی کردووە کە نەچێتە لوتکەکە، چونکە ئەمە ڕەنگە ببێتە هۆی ڕەخنەی زیاتری گشتی ناوخۆیی.
ئوسترالیا لە ناتۆدا پێگەی هاوبەشی هەیە، بەو پێیەی لەلایەن سکرتێری گشتی پێشووی هاوپەیمانی ناتۆ، یەنس ستۆڵتنبێرگ بانگهێشتکرابوو بۆ بەشداریکردن لە لوتکەی ئەمساڵدا.