سێرگی ڕیابکۆڤ، جێگری وەزیری دەرەوەی ڕووسیا ڕایگەیاند، دوای زنجیرەیەک پێکدادانێکی مەترسیدار لەنێوان فڕۆکەی بێفڕۆکەوانی ئەمریکایی و ڕووسیا، هەماهەنگی لەگەڵ ئەمریکا لەسەر سووریا ڕاگرتووە.
ئاماژەی بەوەشکرد، دڕۆنە ئەمریکاییەکان بە شێوەیەکی مەترسیدار لە فڕۆکەی ڕووسی نزیک دەبنەوە.
لە ساڵی ٢٠١٥ کاتێک ڕووسیا هەڵمەتەکانی لە سووریا دەست‌پێکرد، پرۆتۆکۆلی ئاگربەستی لەگەڵ ئەمریکا واژوو کرد، بەڵام وەزارەتی بەرگریی ڕووسیا لەم دواییانەدا ڕایگەیاند ئەمریکا ئەم پرۆتۆکۆڵە پێشێل دەکات.