سەرۆكی حكوومەتی هەرێمی كوردستان بانگهێشتنامەیەكی فەرمی لە ئازەربێجانەوە پێگەیشت بۆ بەشداریكردن لە كۆنگرەیەكی جیهانی لەبارەی ئاو و هەوا.
سەفین دزەیی بەرپرسی فەرمانگەی پەیوەندییەكانی دەرەوەی هەرێمی كوردستان رایگەیاند: ئەمڕۆ دووشەممە پێشوازیم لە باڵیۆزی ئازەربێجان لە عێراق کرد، لە كۆبوونەوەیەكدا دووپاتمان لە گرنگی و بایەخی پەیوەندییە دوولایەنەکان و پەرەپێدانی زیاتر لە بوارە جیاجیاکان کردەوە.
راشیگەیاند: باڵیۆزی ئازەربێجان بانگهێشتنامەی فەرمی پێشکەش کردین بۆ بەشداریکردنی مەسرور بارزانی سەرۆکی حکوومەتی هەرێمی كوردستان لە كۆنگرەیەكی جیهانی لەبارەی ئاو و هەواوە.
بەرپرسی فەرمانگەی پەیوەندییەكانی دەرەوەی هەرێمی كوردستان لە تۆڕی كۆمەڵایەتی ئێكس ئاماژەی بەوەش دا كە بانگهێشتنامەكە بۆ بەشداریكردنە لە کۆنگرەی نەتەوە یەکگرتووەکان بۆ ئاووهەوا (COP26).
