لە هەڵمەتێکی تایبەت بە ماددەی هۆشبەر، 103 کەس لە تورکیا و باکووری کوردستان دەستبەسەرکران.
عەلی یەرلیکایا، وەزیری نێوخۆی تورکیا دەڵێت، لە زنجیرە هەڵمەتی نارکۆچەلیک-29 کە لە 17 پارێزگای تورکیا و باکووری کوردستان بەڕێوەچوو، 103 بازرگان و بەکارهێنەری مادهی هۆشبەر دەستبەسەرکران.
بەگوێرەی راگەیەندراوی یەرلیکایا، 45 لەو کەسانە بە بڕیاری دادگا زیندانیکران و 36 کەسی دیکەش بە مەرج ئازادکران. هاوکات لێکۆڵینەوە لەبارەی ئەوانی دیکە بەردەوامە.
وەزیری ناوخۆی تورکیا راشیگەیاند، لە هەڵمەکەدا زیاتر لە یەک تۆن ماددەی هۆشبەر و زیاتر لە چوار هەزار حەبی کارتێکەر دەستیان بەسەردا گیرا.