بۆ دوورکەوتنەوە لە هەڵگیرسانی شەڕێکی فراوان لەرۆژهەڵاتی نێوەڕاست، شاندێکی ئەمریکا بە نهێنی سەردانی ئێرانی کردووە.
رۆژنامەی ئەلجەریدەی کوەیت لەسەزاری سەرچاوەیەک لەئەنجومەنی باڵای ئاسایشی نەتەوەیی ئێرانەوە ئاشکرایکردووە، لەدوای کوژرانی ئیسماعیل هەنیە و بۆ پێشگرتن لە هەڵگیرسانی شەڕێکی فراوان لە رۆژهەڵاتی نێوەڕاست، شاندێکی ئەمریکا لەرێگەی سەڵتەنەتی عومانەوە سەردانی بنکەیەکی سەربازیان لە شاری کەرەجی ئێران کردووە.
ئەم سەرچاوەیەی ئەنجومەنی باڵای ئاسایشی نەتەوەیی ئێران باسی لەوەشکردووە، شاندەکەی ئەمریکا دڵنیایی داوەتە ئێران واشنتن ئاگاداری کوشتنی هەنییە نەبووە.
شاندەکەی ئەمریکا بە ئێرانییەکانیان گووتووە، جۆ بایدن لە رەفتاری شەڕنگێزانەی بنیامین ناتانیاهۆ بێزارە.