لە یارییەکانی هەفتەی شەشەمی خولی ئەڵمانیا، یانەی فرانکفۆرت لە یاریگای خۆیدا میوانداری بایرن میونشی کرد.
لە یاریێکی پڕ گۆڵدا هەردوو یانە بە یەکسانی و بە سێ گۆڵ بۆ هەرلایەکیان کۆتاییهات.
لە تایمی یەکەم یارییەکی بهێز دەرکەوت و لە سەرەتادا بایرن دەستپێشخەری کردو گۆڵێکی لە خولەکی 15 تۆمارکرد، بەڵام لە پاش ئەوە خاوەن یاریگا بە دوو گۆڵ لە خولەکەکانی 22 و 25 وەڵامیان دایەوە،
دڵخۆشی پێشکەوتنی فرانکفۆرت تەنیا سێ خولەکی خایاند و کاتێک ئۆپامیکانۆ ئەنجامەکەی بۆ بایرن یەکسانکردەوە.
لە تایمی دووەم و لە خولەکی 53دا یاریزان ئۆلیس گۆڵی پێشکەوتنی بایرنی تۆمارکردەوە، یارییەکەش تاکۆتایی خولەکەکان بەو ئەنجامە مایەوە، بەڵام لە خولەکی چواری کاتی زیادکراو عومەر مارموشی دووەم گۆڵی خۆی و سێیەمی یانەی فرانکفۆرتی تۆمارکرد و ئەنجامەکەی یەکسانکردەوە.
بەم ئەنجامە، بایرن بووە خاوەنی 14 خاڵ و هەر لە پلەی یەکەمدایە بەجیاوازی گۆڵ لەگەڵ لایپزیگی دووەم، فرانکفۆرتیش 13 خاڵی هەیە و لە پلەی سێیەم دێت.