لە دوا یاریی ئەمڕۆی هەفتەی دووەمی خولی ئینگلتەرا، یانەی ئارسناڵ لە دەرەوەی یاریگای خۆی ڕووبەڕووی ئەستۆن ڤێلا بوویەوە.
لە ئەنجامدا تۆپ هاوێژەکانی ئارتێتا توانیان یارییەکە بە دوو گۆڵی بێبەرامبەر شکست بە خاوەن یاریگا بهێنێت.
لە تایمی یەکەمدا هەردوو یانە هەوڵەکانیان چڕکردەوە بۆ هەژاندی تۆڕی گۆڵی یەکتر، بەڵام هیچکامیان سەرکەوتوونەبوون و ئەو تایمە بەو شێوەیە و بەبێ گۆڵ مایەوە.
لە تایمی دووەم هەردوو یانە دەستیانکرد بە هەوڵەکانیان بۆ تۆمارکردنی گۆڵێک و ئاستی هەردوولا تا ڕادەیێک لەیەکەوە نزیک بوو،
بەڵام یانەی گەنەرز بەمە نەوەستا و توانی دوو گۆڵ لە خولەکەکانی 67 و 77 لەڕێگەی یاریزانان ترۆسارد و تۆماس پارتی تۆمارکرد و یارییەکەش هەر بەو شێوەیە مایەوە.
لە یارییەکی دیکەی هەمان هەفتەشدا تۆتنهام بە چوار گۆڵی بێوەڵام شکستی بە ئیڤەرتۆن هێنا و لە خولەکەدا خاوەنی چوار خاڵە.