عەلی شەمس ئەردەکانی، ئەندامی ژووری بازرگانیی ئێران دەڵێت، ڕۆژانە ١٢ ملیۆن لیتر بەنزینی ئەم وڵاتە بەبەهای نزیکەی ٤ ملیۆ دۆلار بە شێوەی قاچاغ دەبرێتە دەرەوە.
دەشڵێت، بەشێک لەو سووتەمەنییە بە دەستی قاچاغچییانەوە دەبرێتە تورکیا و بە کاڵای دیکە دەگۆڕدرێتەوە و ئەم کاڵایانەش هەر بە شێوەی قاچاغ دەهێنرێنەوە نێو ئێران و ئەمەش نزیکەی ٦٠ هەزار هەلی کاری پەیوەندیدار بە پیشەسازیی ئەم کاڵایانەی لەنێو بردووە.
دەشڵێت، بەشێک لەو سووتەمەنییە دەبرێتە ئەفغانستان و لەوێ نرخی یەک لیتر بەنزین ٤٠ هەزار تمەنی ئێرانییە.
بەهۆی دابەزینی بەهای پارەی نیشتمانیی ئێرانەوە نرخی بەنزین لەو وڵاتەدا هەرزانترین نرخە لە جیهاندا و ئەوەش هۆکاری سەرەکیی بەقاچاغبردنی سووتەمەنیی ئەو وڵاتەیە بۆ دەرەوەی وڵاتەکە.
