دیمتری پیسکۆڤ گوتەبێژی کۆشی کرملن هۆشداریی دایە بەرپرسانی فەرەنسا نابێت “پاڤل دۆرۆڤ” دامەزرێنەر و سەرۆکی تۆڕی تێلیگرام هیچ جۆرە ئازارێکی پێبگات.
گوتەبێژی کۆشکی سەرۆکایەتیی رووسیا باسی لەوەشکرد؛ پێویستە فەڕەنسا ئەوەی دەیڵێت لەسەر دامەزرێنەری تیلیگرام بیسەلمێنێت بەپێچەوانەوەی دەستگیرکردنی ناوبراو لەنێو فڕۆکەخانەی پاریس دەچێتە چوارچێوەی سەرکوتکردنی ئازادی ڕادەربڕینەوە.
پاڤڵ دۆرۆڤ دامەزرێنەری تۆڕی تیلیگرام خاوەنی رەگەزنامەی رووسی، فەڕەنسی و ئیماراتییە، رۆژی ٢١ی ئەم مانگە بەتۆمەتی بڵاوکردنەوەی زانیاری هەڵە لە تیلگرام لەفڕۆکەخانەی پاریس دەستگیرکرا.