بە ئیمزاى د. ئارام محمد قادر؛ وەزارەتى خوێندنى باڵاو توێژینەوەى زانستى ناوى سێ یەکەمەکان بەمەبەستى دامەزراندن ئاراستەى وەزارەتى دارایی دەکات.
لە نوسراوێکى فەرمیدا بە ژمارە (١٥٩٢٥) لە ڕێکەوتى (٢٠٢٤/٨/٢٢) کە ئیمزاى د. ئارام محمد قادر وەزیرى خوێندنى باڵا و توێژینەوەى زانستى لەسەرەو ئاراستەى وەزارەتى دارایى و ئابورى / بەڕێوەبەرایەتى گشتى بودجە / بەڕێوەبەرایەتى میلاکات کراوە، تیایدا هاتوە.
سەبارەت بە دامەزراندنى سێ یەکەمەکانى سەر ئاستى بەش لە کۆلێژ و پەیمانگەکان بەمەبەستى دامەزراندنى هەمیشەییان بۆ سەر میلاکى وەزارەتى خوێندنى باڵا و توێژینەوەى زانستى، دواى ئەنجامدانى بایۆمەترى ناوى سەرجەم دەرچوانى سێ یەکەمەکانى سەر ئاستى بەشەکانتان بۆ دەنێرین بەمەبەستى ناردنیان بۆ وەزارەتى دارایى حکومەتى عێراقى فیدرال بۆ تەرخانکردنى شایستەى دارایی بۆیان.
