لە چوارچێوەی پڕۆژەكانی حكوومەتی هەرێمی كوردستان و وەزارەتی شارەوانی و گەشتوگوزار بەمەبەستی كەمكردنەوەی كاریگەرییەكانی لافاو لە سنووری شاری هەولێر، پڕۆژەیەكی گەورەی دروستكردنی ئاوەڕۆ لە سنووری شارەوانیی دارەتوو و بەڕێوەبەرایەتیی ئاوەڕۆی هەولێر جێبەجێ دەكرێت.
پڕۆژەكە ئاوەرۆیەكی لوولەیییە و گەڕەكی ژین – باغەمرەئەفەندی بە درێژایی ٣ كیلۆمەتر بە ناحیەی دارەتووەوە دەبەستێتەوە و یەكێكە لە پڕۆژە گەورەكانی سنوورەكە.
ئەو پڕۆژەیە بە گوژمەی ٢،٤٢٢،٣١٤،٠٠٠ دینار جێبەجێ دەكرێت كە تیمێکی ئەندازیاران و ڕووپێوانی بەڕێوەبەرایەتیی ئاوەڕۆی هەولێر سەرپەرشتیی جێبەجێكردنی دەكەن و ئێستاش ڕێژەی كارەكانی ٨٥% تەواو بووە و كاركردنیش تێیدا بەردەوامە، بە تەواوبوونی كاریگەریی تەواوی لەسەر كەمكردنەوەی مەترسییەكانی لافاو لەو سنوورە فراوانەی پارێزگەی هەولێر دەبێت.