لە درێژەی یارییەکانی قۆناغی یەکەمی چامپیۆنزلیگ، یانەی ئەتلەتیکۆ مەدرید لە دەرەوەی یاریگای خۆی بووە میوانی بەنفیکا.
لە ئەنجامدا ئەتلەتیکۆ مەدرید تووشی شکستێکی چاوەڕواننەکراو هات و بە چوار گۆڵی بێبەرامبەر بە بەنفیکا دۆڕا.
لە تایمی یەکەمدا و لە خولەکی 13دا خاوەن یاریگا گۆڵێکی تۆمارکرد، لە دووەم تایم بەنفیکا توانی سێ گۆڵی تر لە خولەکەکانی 52، 75 و 84 تۆماربکات و شکستێکی گەورە بە یانە ئیسپانیەکە بهێنێت.
لە یاریەکەی تردا ئەستۆن ڤێلا میوانداری بایرن میونشنی کرد، یاریزانانی هەردوو یانە ئاستێکی مامناوەندیان پێشکەشکرد و لە تایمی یەکەم نەیانتوانی گۆڵ تۆماربکەن.
لە تایمی دووەمدا و لە خولەکی 79 جۆن دواران گۆڵکی بۆ ئەستۆن ڤێلا تۆمارکرد و سەرەنجام یاریەکەیان بە گۆڵێکی بێبەرامبەر لە بایرن میونشن بردەوە.
بەم ئەنجامە، یانەی بەنفیکا خاڵەکانی گەیاندە شەش خاڵ و لە پلەی سێیەمدایە و ئەستۆن ڤێلاش بە هەمان خاڵ پلەی شەشەمی گرتووە.