کورە شەهیدەك:دێ لپەرلەمانێ کوردستانێ خزمەتەکا زێدەتر بو لاوێن دەڤەرێ کەم

بەربژێرەکی پارتی راگەهاند، دێ هه‌می شیانێن خوه‌ ده‌ینه‌ كارى بۆ خوه‌شكرنا ژیانا خه‌لكێ ڤێ ده‌ڤه‌رێ و به‌رچاڤكرنا گله‌ و گازنده‌یێن خه‌لكى و ئارام كرنا ده‌ڤه‌رێ.

مه‌یسه‌ر عوبه‌ید نهێلى به‌ربژارێ هژمار 42 سه‌ر ب لیستا 190 یا پارتى دیمۆكراتى كوردستان بازنێ دهۆكێ بۆ ئاژانسی هەواڵی زاگروس راگەهاند ، دبەریا نهادا من وەکو سکرتێرێ ئێکەتیا لاوێن دیموکراتا کوردستانێ خزمەتا لاوان کریە  ، و ئەس وەکو کورەشەهیدەک من دڤێت لجهەکێ بلندێ وەکو پەرلەمانێ کوردستانێ خزمەتەکا زێدەتر بو لاوێن دەڤەرێ بکەم دێ هه‌موو شیانێن خوه‌ ده‌مە كارى ژ پێخه‌مه‌ت خزمه‌تكرنا خه‌لكێ پارێزگەها دهۆکێ بگشتی و دەڤەرا ئامێدیێ بتایبەتی.

هەروەسا ناڤهاتى گوت: دێ كار كه‌م  ل سه‌ر هەمی ئەو خالێن كارنامه‌یا پارتى دیموكراتى كوردستان بەحسکری و كو هه‌می یا گرێدایه‌ ب كار و خزمه‌تكرنا خه‌لكێ کوردستانێ ڤە  و ئارامی ئاڤەدانی و پێکڤەیی و خوڕاگریێ ڤه‌یە.

نهێلی گۆتژی: دێ هه‌می شیانێن خوه‌ ده‌ینه‌ كارى بۆ خوه‌شكرنا ژیانا خه‌لكێ ڤێ ده‌ڤه‌رێ و به‌رچاڤكرنا گله‌ و گازنده‌یێن خه‌لكى و ئارام كرنا ده‌ڤه‌رێ و دێ ل سه‌ر خزمه‌تكرنا ته‌خا گه‌نجان كار كه‌م و دیتنا ده‌لیڤه‌یێن كارى و ئینانا وه‌به‌رهێنه‌ران بۆ ده‌ڤه‌را ئامێدیێ، ژ به‌ر كو ده‌ڤه‌ره‌كه‌ پترى هه‌موو جهه‌كى خه‌لكێ وێ نه‌خۆشى دیتنه‌ و ئازار كێشاینه‌ و قوربانى داینه‌ و چەندین ساڵە شه‌ڕ ل ڤێ ده‌ڤه‌رێ یێ به‌رده‌وامه‌ و خه‌لكێ  وێ گه‌له‌ك نه‌خوه‌شى دیتینه‌.

بەربژێرێ هەژمارە 42 دیار ژى كر، خاله‌كا دى یا گرنگ ئه‌وه‌ كو ئه‌و ل سه‌ر كار بكه‌ت  كه‌رتێ كه‌لتورى و وه‌رزش و لاوانه‌ و د وارێ كه‌لتورى دا ئامێدی ده‌ڤه‌ره‌كا زه‌نگینه‌ ژلایێ  فلوكلورى ڤه‌ و دێ بزاڤێ كه‌ین یاسایێن تایبه‌ت د ڤى وارى دا ده‌ربێخین ژ پێخمه‌ت پاراستنا كه‌لتور و كه‌له‌پۆرێ ده‌ڤه‌رێ و پێشئێختن و به‌رچاڤكرنا وى، هەروەسا دوارێ وەزشێدا من دڤێت کارەکێ باش بو گەنجان بکەم.