بەرەبەیانی ئەمڕۆ پێنجشەممە، سوپای ئیسرائیل ھێرشی ئاسمانیی کردە سەر شوێنێکی چاککردنەوەی ئۆتۆمبێڵ و خاڵێکی سەبازی لە سووریا.
ئاژانسی ھەواڵیی “سانا” سەربە رژێمی سووریا لە سەرچاوەیەکی سەربازی بڵاویکردووەتەوە کە بەرەبەیانی ئەمڕۆ، سوپای ئیسرائیل لە باکووری لوبنانەوە، ھێرشی ئاسمانیی کردووەتە سەر شوێنێکی چاککردنەوەی ئۆتۆمبێڵ و خاڵێکی سەبازی لە شاری حەسیا سەربە پارێزگای حومس ناوەڕاستی سووریا.
ڕاشیگەیاندووە کە ھێرشەکە، تەنھا زیانی ماددی لێکەوتووەتەوە و زیانی گیانیی نەبووە.
ڕۆژی سێشەممەی ڕابردوو لە ئاکامی ھێرشی ئاسمانیی سوپای ئیسرائیلدا بۆ سەر باڵەخانەیەکی نیشتەجێبوون لە گەڕەکی مزە لە دیمەشق پایتەختی سووریا، حەوت کەسی مەدەنی کوژران و ١١ی دیکەش برینداربوون.