بەربژێرەکێ ليستا 190 يا پارتی ل بازنا دھۆکێ راگەھاند: بەرنامێ کارێ من دانانا ياسايەکا تايبەت بيت ب مافێن زاروکی ڤە، ياسايەکا دی لديف دروشمێ مەيی ئەڤ سالە ياسايەک ھەبيت بو پێکڤە ژيان و لێبورينێ و ھەڤگرتنا جڤاکی.
پ.د.اسماعیل ابابکر بامەرنی بەربژێرێ ژمارە 15لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: ژ کار و پلانێن من يێن من دڤێت لسەر کاربکەم تەوەرێ ياسايی يە کو چەند ياسايەکێن ھەين دڤێت سەر کاربکەم، ئێک ژ وان ياسايان ياسايا بارێ کەسايەتی يە و ياسايا بەرھنگاربونا توند و تيژيێ يە دژي خێزان و ئافرەتێ و ياسايا سزا، هەروەسا دانانا ياسايەکێ تايبەت بيت ب مافێن زاروکی ڤە، ياسايەکا دی لديف دروشمێ مەيي ئەف سالە ياسايەک ھەبيت بو پێکڤە ژيان و لێبورينێ و ھەڤگرتنا جڤاکی.
بامەرنی زێدەتر گۆت: تەوەرێ دويێ يێ دڤێت کار لسەر بکەم بابەتێ پەروەردێ و خاندنا بلندە کو خاندنا بلند لديف دروشمێ پارتی وان سيستەمێن ل زانکويێ قوتابی ئاڤاکەين کو ئەو بخو بشێت دەليڤێن کاری بخو پەيدا بکەت و باوەری بخو ھەبيت و بشێت ئەو بخو برێکا مەنھەجێت نوی دەليڤێن کاری ب دەرێخيت.
اسماعیل سلێڤانەی دیارکر: هەروەسا گڕنگی دان ب گەنجا و رەخساندنا دەلیفێن کاری ب هەماهەنگی و پاراستنا مافێن وان، هەمان دەمدا پارستنا خێزانێ و ئافرەتێ و بەشداری کرنا ئافرەتێ د هەمی بوارێت ژیانێ دا.
بەبژێرێ ژمارە 15لسەر لیستا 190یا پارتی زێدەتر گوت: د شيان دا نينن کەسەک ھەبيت جھێ پارتی بگريت چۆنکە پارتی نوینەرێ راستەقینە یێ کورد و کوردستانێ یە، داخازێ ژ خەلکێ خويێ خوشتڤی دکەم ل روژا دەنگدانێ ھەمي بچنە سەر سندوقێن دەنگدانێ و دەنگ بدەنە ليستا 190 يا پارتی و وان کەسێن خودان شيان بھەلبژێرن و فرێکەنە پەرلەمانێ کوردستانێ دا بشێن مافێن وان بو دابين بکەن و پاشە روژا وان مسوگەر بکەن.