هه‌ولێر… لە گەڕەکی سەربەخۆیی بەردی بناغەی پرۆژەی دروستکردنی چەند شەقامێک دانرا

بەگوژمەی زیاتر لە ( 276 ملیۆن دینار )، لە گەڕەکی سەربەخۆیی بەردی بناغەی پرۆژەی دروستکردنی چەند شەقامێک دانرا.

ئەمڕۆ شەممە 2024.10.12، بەئامادەبوونی ساسان عەونی، وەزیری شارەوانی و ئومێد خۆشناو، پارێزگاری هەولێر، بە یاوەری مەسعود کاڕەش، جێگری پارێزگار و نەبەزعەبدولحەمید، قائیمقامی ناوەندی و کارزان هادى، سەرۆکى شارەوانى هەولێر و محمەد یوسف، بەڕێوەبەری شارەوانی سێ و ژمارەیەکی تر لە ئەندازیاران و سەرپەرشتیاران، لەڕێورەسمێکدا بەردی بناغەی پرۆژەی دروستکردنی شەقامێکی 20 مەترى و 15مەتری و لێدانى کێربستونیان لە کەرتى 3 هەزارى گەڕەکى سەربەخۆیی دانرا، کە بە گوژمەى( 276 ملیۆن و 650 هەزار دینار) لەسەر داهاتى 15%ى سەرۆکایەتى شارەوانى هەولێر بەشێوەی بەڵێندەرایەتی دەست بە جێبەجێکردنى کراوە.

لەوبارەیەشەوە هەریەک لە وەزیری شارەوانی و پارێزگاری هەولێر، جەختیان لەسەر هەر جۆرە هاوکاری و پاڵشتییەک کردەوە بۆ ئەوەی پڕۆژەکە بەزوویی و لەکاتی خۆی تەواو بکرێت.