بەربژێرێ هەژمارە 43 یێ پارتی راگەهاند : من سۆز دایە چ ل سەر مینبەرێ بیت یان ژی ل پەرلەمانی بیت و هەر جهەكێ ئەز لێ بم د خزمەتا دین و گەل و وەلاتێ خوە دابم.
مەلا خدر شێخ ئیسلام بەرگارەی، بەربژارێ هەژمارە 43 ل سەر لیستا 190 یا پارتی دیموكراتی كوردستان بو ئاژانسا هەواڵی زاگرۆس دیار كر، دێ کار لسەر هەمی ئەو خالێن د كارنامەیا لیستا پارتی دیموكراتی كوردستاندا هاتی كو بەرنامەیەكێ گشتگیر و دارێتی و تێروتەسەلە بۆ خزمەتكرنا هەموو تەخ و چینێن گەلێ كوردستانێ کەم.
ناڤهاتی گۆت: زێدەباری ڤێ یەكێ من سۆز یێ دایە خودێ چ ل سەر مینبەرا پێغەمبەری بیت سلاڤێن خودێ ل سەر بن یان ژی ل پەرلەمانی بیت و هەر جهەكێ لێ بم ئەز د خزمەتا دین و گەل و وەلاتێ خوە دا بم و بەردەوامیێ بدەمە خزمەتا مینبەرێ و مزگەفتا و قوتابخانێن ئاینی.
مەلا خدر شێخ ئیسلام بەرگارەی گوتژی ، دێ بهاریکاریا هەڤالێن ئەندام هەوڵدەین لپەرلەمانێ کوردستانێ کار لسەر ئارامیێ و ئاڤەدانیێ بو دەڤەرا ئامێدیێ بدەستڤەبینین و خەلک ب ئازادانە بچنە ناڤ زەڤی و رەزێن خوە و هەروەسا گەشتیار بئازادانە و بێی ترس بشێن گەشتێن خو لدەڤەرێ بکەن.
هەروەسا بەرگارەیی بو ئاژانسا هەواڵی زاگرۆس زێدەتر گۆت کۆ دێ گرنگیەکا هەرەمەزن دەمە پێكڤەژیانێ ل كوردستانێ د ناڤبەرا هەمی ئول و مەزهەبا و یێ رژدبم ل سەر بەرنامەیێ كارێ خوە ژبۆخزمەتكرنێ.
ناڤهاتی دیارژی کر، کو باوەرنامەیا ماستەرێ ب زانستێن ئیسلامی هەیە، و كەسەكێ شارەزایە د وارێ زانستێن فقهێ ئیسلامی و زانستێن دەروونی دا و پەرتووكەك ب ناڤێ ،ئەز و ئەنفال،
نڤیسی یە و نوكە ژی ڤە كۆلینەك ل سەر قڕكرن و جینۆساید كرنا خەلكێ دەڤەرا بەرێگارێ و گوندێ گویزێ وەك نموونە ل بەر دەستە بۆ چاپكرنێ.
