لە ڕاپۆرتێکی پێگەی هەواڵی بلومبێرگدا هاتووە، هێرشە مووشەکییەکەی ئێران بۆ سەر ئیسرائیل ٤٠ بۆ ٥٤ ملیۆن دۆلار زیانی بە هاووڵاتییانی ئیسرائیلی گەیاندووە.
بلومبێرگ بەپێی داتاکانی ڕێکخراوی باج و پیتاکی ئیسرائیل ڕایگەیاندووە، لە دوای هێرشەکەوە تا ئێستا نزیکەی دوو هەزار و ٥٠٠ خاوەنی یەکەی نیشتەجێبوون و شوێنی کار داواکاریی قەرەبوویان لە ڕێکخراوی دەستەبەری کۆمەڵایەتیی وڵاتەکەیان تۆمار کردووە.
بەپێی ڕاپۆرتەکەی بلومبێرگ زۆرترین زیانەکان لە باکووری تلئەڤیڤ و شاری هوودهەشاروون تۆمار کراون.
پێشتر دەگوترا هێرشەکەی ئێران تەنیا زیانێکی کەمی بە بنکە ئاسمانییەکانی تلنوف و نواتیم لە ئیسرائیل گەیاندووە و پیاوێکی ٣٨ ساڵیی فەلەستینیشی کوشتووە.
