بۆ كۆچى دواييى خوالێخۆشبوو د. ئاشتى هه‌ورامى، وه‌زيرى پێشووى سامانه سروشتييه‌كانى حكوومه‌تى هه‌رێمى كوردستان، پرسه و سه‌ره‌خۆشيى قووڵم ئاراسته‌ى خانه‌واده و كه‌سوكار و هاوڕێ و هاوكارانى ده‌كه‌م، هاوسۆز و هاوبه‌شى خه‌ميانم. له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌موو لايه‌ك ببه‌خشێت.
له ماوه‌ى كار و ئه‌ركه‌كه‌يدا، خوالێخۆشبوو د. ئاشتى هه‌ورامى، به لێهاتوويى و دڵسۆزى خزمه‌تى به هه‌رێمى كوردستان كرد و به شاره‌زايى و پسپۆرى و تواناكانى، ڕۆڵێكى گه‌وره‌ى له بنيتانانى ژێرخان و به‌ره‌وپێشبردنى كه‌رتى نه‌وت له هه‌رێمى كوردستاندا گێڕا.
يادى به خێر و گيانى شاد بێت.
نێچيرڤان بارزانى
سه‌رۆكى هه‌رێمى كوردستان