عەباس عێراقی، وەزیری دەرەوەی ئێران کە لە سەردانێکیدا بۆ کوەیت، لە کۆنگرەیەکی ڕۆژنامەوانیدا دوای کۆبوونەوەی لەگەڵ وەزیری دەرەوەی کوەیت گوتی، ئێران جەنگی ناوێت و هەوڵی نەهێشتنی مەترسیی جەنگ دەدات.
“ئیسرائیل لە نێو دوو جەنگ دایەو دەبێت ڕێگە لەم کارە بکرێت و هێرشەکانی ئیسرائیل بۆ سەر لوبنان و غەززە ڕابگیرێن”.
نێوبراو گوتی: ئەگەر ئیسرائیل هێرش بکاتە سەر دامەزراوە ئەتۆمییەکانی ئێران، کارەسات ڕوودەدات و جەختیشی لەوە کردەوە ئیسرائیل بە هەر شێوەیەک هێرش بکات، کۆماری ئیسلامیی ئێران وڵامی دەداتەوە.
بە گوتەی وەزیری دەرەوەی ئێران، ئەوان شەڕیان ناوێت، بەڵکو ئامادەن بۆ شەڕ و چاودێریی کردەوەی ئەمریکا دەکەن.
