لە درێژەی یارییەکانی بەرەبەیانی ئەمڕۆی پاڵاوتنەکانی ئەمریکای باشوور، هەڵبژاردەی بەڕازیل میوانداری ئوروگوای کرد.
لە کۆتاییدا یارییەکە بەبێ بردنەوە و بە یەکسانی بە گۆڵێک بۆ هەردوو هەڵبژاردە مایەوە.
لە تایمی یەکەمدا هەرچەندە هەردوو لا بەردەوامبوون لە فشارەکانیان بۆ سەر گۆڵی یەکتر، بەڵام هیچکامیان سەرکەوتوونەبوون و ئەو تایمە بەو شێوەیە مایەوە.
لە دووەم تایم و لە خولەکی 55دا فێدریکۆ ڤالڤێردی توانی تۆڕی گۆڵەکەی سامبا بهەژێنێت و هەڵبژاردەی پێشبخات،
بەڵام بەڕازیل ئەنجامەکەی قبوڵنەکردو هێرشەکانیان چڕکردەوە و تەنیا دوای حەوت خولەک یاریزان گێرسون ئەنجامەکەی بۆ زەردەواڵەکان یەکسانکردەوە و یارییەکەش هەر بەو شێوەیە کۆتاییهات.
بەم ئەنجامە، هەر یەکەو خاڵێکی وەرگرت و بەڕازیل بە کۆکردنەوەی 18 خاڵ لە پلەی پێنجەمە و ئوروگواییش خاوەنی 20 خاڵە و لە پلەی دووەمی ڕیزبەندیە.