لە شاری سلێمانی پێشانگەی شێوەکاری ژمارەیەک هونەرمەند بە ناونیشانی “دیالۆگی سرووشت و پاییزی سلێمانی” کرایەوە.
پێشانگەکە لە گەلەری مۆزەخانەی سلێمانی، بە ئامادەبوونی حەمەی حەمەسەعید، وەزیری رۆشنبیری و لاوانی حکومەتی هەرێمی کوردستان و ژمارەیەک لە هونەرمەندانی بەشدار بوو و رۆشنبیران کرایەوە.
پێشانگەکە بۆ ماوەی سێ رۆژە و لەلایەن بەشی هونەری شێوەکاری سەر بە بەڕێوبەرایەیی گشتیی رۆشنبیری و هونەری سلێمانی کراوەتەوە.
وەزیری رۆشنبیری و لاوان وێڕای بینینی تابلۆکان، دەستخۆشی لە رێکخەران و هونەرمەندانی بەشداربووی پێشانگەکە کرد و هیوای سەرکەوتنی زیاتری بۆ خواستن.